Xuegos y deportes tradicionales asturianos na escuela
Cursu en PDF
Del 3 al 8 d'agostu fáise esti cursín de xuegos y deportes tradicionales asturianos dirixíu especialmente a los mayestros, pa que tengan ferramientes pa l'aplicación de delles especialidaes de deportes asturianos y otros xuegos nel ámbitu escolar.
El primer día (3) foi la presentación y yá s'entamó cola práutica del DEXABOLU.
Les 11 persones que tan apuntaes pal cursu selpartáronse en dos equipos, incluyíu el mayestru, pa que seya un númberu par, que nomaron asina: Los UMERONES y Los MELANDROS.
El segundu día siguióse cola partida de DEXABOLU qu'acabaron ganando los Melandros.
Llueu entamó una partida a la LLAVE, muy apurada a lo primero, hasta que Toño marcó un BARRENU que fizo camudar la suerte de la partida pa que la ganasen los Umerones. Nel otru llau colocose Paula, porque de dieciochu fiches tiraes, ninguna dio na llave (nin la raspió)
El tercer día foi un día de garabuyos onde vimos de too: xente enseñando la llingua asgaya. Ya nun yá por otra cosa que pola dureza les prebes, entamando por calecer
y llueu les prebes nes que rescamplaron en forma Paula ya Eva en BALTU
Caleciendo from Onda Luz on Vimeo.
y llueu les prebes nes que rescamplaron en forma Paula ya Eva en BALTU
Nes prebes de carreres ganaron los Umerones tamién, tanto en PANOYES, como en LLECHERES.
Equí ta un video de la carrera panoyes
Equí ta un video de la carrera panoyes
Carrera Panoyes from Onda Luz on Vimeo.
Por embargu na del TIRU AL PALU ganaron LOS MELANDROS
Amás pudimos tamién prebar el sidre de Ca L.luis
y tocar el cuirnu o gaita primixenia
El xueves foi'l día escoyíu pa deprender xugar al Lliriu, pa lo que aportaron espresamente a Ibias dos espertos: Carlos y Xuaco.
Dende llueu, el panorama que se-yos presentó dexólos plasmaos, ablucaos y ensin sangre; nun esperaben ellos tal nivel de xueu, alcanzáu solo pol enfotu que los participantes d'esti cursu amosaron en toles empreses qu'entamaron.
Lliriu
Llariu
En casa'l boticariu
Ya l'ultimu día, el vienres, xugóse una partida de CUATRIADA, onde se vio yá definitivamente la superioridá de Los Melandros nos xuegos onde s'esixe un altu nivel de puntería.
Ya esto foi too. Dientru dos años, coincidiendo colos años de mazana, otra vegada n'Ibias.
5 comentarios:
Espectacular cursu. Prestóme muncho. Sedría bono quedar pa encamentar les meyores xugaes delantre una caxa sidre... ¿Que vos paez?
Y si esa caxa nun mos fae casu, siguimos col discutiniu delantre d'otra, y d'otra, hasta llegar a ponese dalcuerdu
Jajaja, el 22 vémonos fixo, eh! La mio hermana y yo apuntámonos, asina qu'ellí nos vemos dientro una semanina. tengo gana vevos! Besos dende'l Puntal
Ahh, y que nun falte la sidra!
Que montaxe más perguapu. Veo que al menos con esto podemos tar en contauto. Yo tengo aun que subir les mios semeyes.
Publicar un comentario