Pásenme esti comunicáu:

CURSU DE MONITOR DE XUEGOS Y DEPORTES TRADICIONALES
Primer nivel

DATOS BÁSICOS

• ORGANIZA: Tertulia Cultural El Garrapiellu.

• COLLABORA: Ayuntamientu de Xixón.

• PROFESOR: Carlos Suari, llicenciáu en Ciencies de l’Actividá Física y del Deporte, espertu en cultura física tradicional. Doctorandu en Ciencies de la Educación.

• DURANZA: 52 hores.

• ENTAMU: Llunes 3 de payares de 2008.

• FIN: Evaluación y despidida, sábadu 22 de payares de 2008.

• INSTALACIÓN: Muséu del Pueblu d’Asturies, Xixón.

• HORARIU: Llunes a xueves, de 16 a 20 hores.

• INSCRIPCIÓN: Poniéndose en contactu cola responsable de deportes tradicionales d’El Garrapiellu, Sabel Tuñón, nel 653.32.86.57.

• TASES: 40 euros. Socios d’El Garrapiellu, exentos.


XUSTIFICACIÓN DEL CURSU

Oxetivos:

• Acercar al alumnáu a la realidá de la cultura física tradicional d’Asturies.
• Iniciar al alumnáu nel conocimientu de los xuegos y deportes tradicionales Asturianos (XDTA).
• Dar ferramientes d’intervención que favorezan l’autonomía divulgadora de les persones que participen nel cursu.
• Mostrar los ámbitos deportivu y educativu de los XDTA.
• Capacitar monitores de XDTA.

Funciones de los futuros monitores:

• Co-diseñar y collaborar n’actividaes de divulgación de la cultura física.
• Enseñar los XDTA a nivel d’aproximación o iniciación.
• Trabayar na preparación, igua y colocación de recursos materiales nes muestres o demostraciones de XDTA.
• Co-organizar los grupos humanos implicaos nestes actividaes.
• Facilitar l’averamientu del públicu a los XDTA manexando unos mínimos fundamentos didácticos, hixénicos, motores y culturales.


PROGRAMA DEL CURSU
Bloque 1. Bases teóriques pal estudiu de los XDTA (10 hores)
1. Conceptos xenerales: el xuegu y el xugar
2. La cultura física asturiana: orixe y families
3. La deportificación y les sos consecuencies
4. Instituciones y llexislación nos XDTA
5. Materiales y recursos (in)formativos
Bloque 2. Salú, seguridá y acondicionamientu físicu nos XDTA (10 hores)
1. Elementos de seguridá y prevención nos XDTA
2. Cualidaes físiques básiques y perceptivo-motrices nos XDTA
3. Principios pal acondicionamientu físicu pa los XDTA
4. Entrenamientu y programación nos XDTA
5. Atención urxente del xugador-deportista mancáu XDTA
Bloque 3. Difusión y enseñanza de los XDTA (10 hores)
1. Los eventos de divulgación de los XDTA
2. Fundamentos didácticos na enseñanza de los XDTA
3. Espaciu, material y adaptaciones de los XDTA
4. Taller de reciclaxe de XDTA
5. Proyectos d’enseñanza y difusión de los XDTA
Bloque 4. Análisis y aplicación de los XDTA (20 hores)
1. Xuegos infantiles de cai
2. Bolos I: Modalidaes minoritaries
3. Bolos II: Cuatriada, birlle y bolu celta
4. Lluches: tiru cuerda, baltu, pulsu, palu y otres
5. XDTA na naturaleza: acuáticos y otros
6. XDTA llaborales: la madera, la siega y otros
7. Bailles-xuegu y otros de soporte musical
8. XDTA de precisión: llave, gomeru, rana y otros
9. XDTA de llanzamientu: barra, guiada y otros
10. XDTA de carrera: llecheres, panoyes y otros

La mió norabona pa la Tertulia cultural el Garrapiellu y pa Carlos Suari, el profesor d'esti cursu. Tamién dend'equí un llamáu pa la Federación y la Direición Rexonal de Deportes, pa que se vayan fixando d'una vegada de cómo hai que facer les coses